科学与文明 -05-古籍收藏 - -08-集藏 -06-小说
16-九尾狐-清-梦花馆主-第100页
来一月之中，出门跋涉，往返辛苦，轮船上难免受风。加之归家二日，并未静养，早起晏眠，安排一切，虽有阿金等帮办，自己也要操劳。况今夜接待客人，两处往来酬酢，更属异常吃力。又在窗前玩月，感了风寒，乘虚而入。究竟宝玉的身体，已被淫欲掬空，凭你本质极好，怎能降得住这许多呢？宝玉自知病势来得汹涌，本欲唤醒阿金、阿珠等起身，但他们也劳乏不堪，姑且待到天明再说。无如心中难过异常，好容易挨至金鸡三唱，曙色盈窗，方勉强坐起，熬着眼花头晕，用手揭开帐子，叫唤了阿金几声。
阿金在梦中惊醒，听是宝玉声音，即忙穿衣下床，着了一双拖鞋，趁势喊醒了阿珠，然后梯梯他他，从隔房走了过来，问道：“ 大先生喊我，阿有啥事体佬？”宝玉连声“喔唷”，低低的说道：“奴难过煞勒里，刚刚未冷煞快，故歇末身浪热得呒成，赛过像火烧实梗，一点汗才呒不， 来摸摸奴看 。”阿金伸手在宝玉额上一摸，惊讶道：“阿呀！大先生，格寒热烫得勒，实头受仔寒哉 ！头里阿痛？肚皮里阿难过？停停阿要请一个郎中来看看，吃两帖药，散散风寒罢！” 宝玉点点头，又道：“倒是嘴里燥得勒，独想要吃茶， 搭奴倒两碗来 。”
说着，却巧阿珠走了进来，听得宝玉的病情，不等阿金答应，忙倒了两碗茶，虽是隔夜的，却还温热，送到床前，将茶碗凑至宝玉嘴边。宝玉一连饮尽，稍比方才清爽些，问阿金道：“ 说请郎中，去请啥人介？上海好格少 ！”阿金道：“ 要么去请陈曲江格兄弟陈笃卿罢，总算有点名气格。归搭格套孟河郎中，终也 请，全本是江湖诀，架子末蛮大，一副像煞有介事格面孔。别人告诉俚病情，俚连搭理才勿搭理，把过仔脉，一声也勿问，别人勿晓得格，还赞俚有本事，指（ 读接） 头底下，已经明白格哉。轧实开出来格方子，差勿多才是一靠辈格，勿管 啥格病，第一样药，老调用南北沙参，余外大半是勿去病勿丧命格药，呒不大病吃仔呢，还好；若然风火症候，请仔俚 来，一定要误事格。而且还有一样惹气：开好仔方子， 问俚阿好吃几帖，俚终起码要说十帖八帖笃，因为除脱格张老方子，俚亦换勿出几化药格，格落病情才勿敢问，要别人多吃两帖原方，就为格格道理，勿然，拨别人要掂穿斤两格 。若换仔间搭格郎中，巴勿得病人来转方，多看两埭，多点生意，俚笃勿实梗打算格，所以看俸极大，门诊至少一元两元，多则四元五元，出诊格行（ 读杭） 情，更加放屁，终要十块念块洋钱笃，远要加倍，早要加倍，晏亦要加倍，比仔此地格郎中，一边请一埭，一边好请十埭得来。 想阿犯着请俚，拿自家格性命，拨俚弄白相相格嗄？”
宝玉在枕上听他一大篇议论，不禁微笑道：“说是说得勿差，不过搭孟河郎中亦勿是冤家，啥落能格刻毒，拿俚格西洋镜才说穿，要害俚呒不饭吃格 。”阿金道：“我格外公，就拨俚吃杀格呀，我末恨俚。自有格种勿要性命格，相信得像仙人一样，吃坏仔才勿敢怪俚，倒怪自家格病生差格来。我恐怕 大先生亦相信俚，吃俚笃格戳头，格落细细教告诉。”
阿珠插嘴道：“ 格闲话有点勿对笃，一个孟河郎中，吃杀仔唔笃外公，就算俚呒本事，勿见得个个勿好， 一洗帚豁杀仔十八个蟑螂格 。我劝讲哉，如果拨俚笃听见仔，要恨 坏俚笃格名誉，寻着 起来，看 哪哼嗄！”阿金道：“着急，有我勒里，况且倪登勒房里说，俚笃 生啥顺风耳（读议）朵，勿会听见格，就算我大张晓谕，逢人告诉，再勿然，登仔申报骂俚笃，俚笃格生意终归勿要紧格，到底相信格人多，说起来大官大府，还当俚笃大好老得来，哪哼会呒本事呢？格落倪说俚几几化化邱话，赛过墙头浪榻石炭，白说脱格，落里能够带坏俚格牌子嗄？”
阿珠道：“我倒要扳驳 来，前年仔，我登勒一家人家，有一位小姐犯仔痨病，足有半年外势哉，请过仔几化有名气格本地郎中，吃过仔百十帖药，一点效验才呒不。后来亲眷笃荐一个孟河郎中来，名字末我勿记得，勿知姓马呢姓费，看仔三埭，吃仔十几帖药，就渐渐能格好哉。实梗看起来，本事比间搭格大 ？ 倒说俚勿好，批榻得一钱勿值？我着实有点勿服辣笃。不过看俸末忒大，穷人 想请得起。就是格浪末，连我也派俚担差，要说俚心狠哉。我格论头，阿公平勒勿公平？ 倒说一声看。”阿金道：“ 格说法，像煞蛮公平，其实内堂中格道理， 明白勒海来，我若然再搭 辩，只少要争快哉，请 免仔点罢。”
阿珠听了，不禁脸上一红，还想要说他几句，却被宝玉阻止道：“唔笃两家头，只管讲勿完格哉，郎中好勿好，关倪啥事？就算论得公平，别人亦勿见得听唔笃格。俗语有一句，说‘麻油拌青菜，各人心爱’。相信末请仔俚；勿相信末拉倒，辩俚作啥，奴亦 请啥孟河郎中，有本事也罢，无本事也罢，徒然讲仔半日，害奴心里烦煞快，勿顾奴勒里头疼脑胀，独趁自家高兴，充做假内行（ 读杭），真真鬼相打难为病人哉！” 阿金、阿珠听得宝玉埋怨，彼此瞅了几眼，阿珠趁此取了茶壶，下楼泡茶去了。
其时众人都知宝玉身子不好，秀林先进房