科学与文明 -05-古籍收藏 - -08-集藏 -06-小说
16-九尾狐-清-梦花馆主-第83页
，仅不过步履软弱罢了。见宝玉虽已苏醒，仍旧拥被而卧，挂起了半边帐子，阿珠在旁倒茶伏侍。晓得宝玉身子不快，便立在床前问道：“大先生，阿有点勿好过佬，啥落面孔浪红得勒？” 说着，伸手向宝玉额上一按，又道：“ 怪勿得实梗，头浪有寒热勒浪 。” 宝玉低声慢答道：“奴昨夜头末困勿着，面孔浪升火得呒淘成。好容易等到天亮快，难末算胧着哉，勿壳张故歇醒转来，身浪才有点热，想必外头去受仔风寒洛，连搭心里末怕烦，嘴里末干燥，吃茶才勿杀渴格，格末叫难过得来！奴末实梗， 阿好勒介？” 阿金道：“多谢 ，我倒好格哉。晏歇点，大先生阿要请郎中看看，吃一帖药罢？” 宝玉道：“奴格毛病，只怕郎中才勿识货格，吃差仔药，倒要勿局。格落让俚吃希，像 实梗，一样会好格。”
阿金听了，明知他的病根已在梦中泄漏，却不去说穿他，只把隐语去打动他，让他自己招出来，托我办这件事，方好于中取利。故等阿珠走出房去，又向宝玉说道：“大先生 肚里阿有啥难过佬？勿然末，寻常格寒热小毛病，请有名气格郎中来看，有啥勿识货介？” 宝玉叹了一口气，答道：“ 奴肚里是呒啥，倒是心里难过，说勿出，话勿出，横勿是，竖勿是，甩末甩勿开，笃亦笃（ 笃即丢字之意） 勿落，掇牢勒心浪仔。奴自家才解说勿出为啥佬，格落请仔郎中，也未必见得懂格。” 阿金道：“ 我郎中末勿做， 格病倒有点懂格，而且有一个丹方勒里， 阿要试试看，包 蛮灵验格 ！”宝玉道：“瞎说， 登勒奴身边仔长远，奴从来听见 说歇 。”阿金道：“ 前头用勿着，我说俚作啥呢？” 宝玉道：“ 既然勿是瞎说，格张丹方叫啥格名堂嗄？” 阿金道：“ 自然有名堂格，并且有两个得来。据说是仙人传下来格，叫定心丸，亦叫如意丹，专门吃 格种毛病格。故歇我想着仔，格落叫 试试呀。不过吃好仔病，哪哼格重谢我介？” 宝玉道：“ 真格医得好奴格心病， 随便要奴谢啥，奴呒不勿肯格。倒是 说格丸药，药材店里阿有得买格介？” 阿金道：“买虽呒买外，格两样药味，我记得清清爽爽勒里。” 宝玉道：“ 倒背（读倍）拨奴听听看，奴有几味药也有二毫半懂格。” 阿金本无方子，那有药味？不过借此打动宝玉，使他把心事实言。今问我是那几样药，幸而我晓得药名，不防逞嘴胡说，将月山的姓多说几个，谅他聪明伶俐，必然辨得出滋味。遂答道：“ 大先生 听好仔：第一味是犀黄；第二味是大黄；第三味是天竺黄；第四味是人中黄；第五味是黄耆；第六味是黄目菊；第七、第八、第九味是黄连、黄芩、黄柏，加入黄明胶糊丸，用黄齑水一碗，法丸如梧桐子大，或当作煎方亦可。格张方子，样样才是清凉药，写心经、肾经格火格， 想阿好呢勿好？” 宝玉听阿金背完，全是“黄”的药名，分明话里有因，先已参透我的心事，便笑道：“ 说格药，样样才是‘ 黄’ 格，啥落生地黄搭仔熟地黄倒勿用介？” 阿金也笑道：“格服定心丸， 如果吃得对末，自然再加熟地黄补进去，勿然要嫌俚滋腻格 。至于生地黄是勿补格， 前头末用得着。故歇 下元虚哉，除脱仔熟地黄，有啥格补药吃介？倘使 胆小末，只要用一个乌梅、三钱原金斛，怕俚作啥嗄？”
宝玉听他说用熟地黄，是指我旧日相熟的黄月山，除他没有别人了。若胆小则用个乌梅，“梅”与“媒”声音相同；原金斛者，是原差我阿金之意。足见阿金善于词令，编造出许多药名，甚为切当，前来试探我的心事。真是一服绝妙的定心丸。且他又毛遂自荐，我亦何必瞒他，自寻烦恼？况本因此事难以启齿，故末相托；今既他凑趣上来，不说更待何时？遂在被中坐起，凑到阿金耳边，低低相告道：“奴实勿相瞒，自从吃仔永贞格吓头，奴心里一径懊躁煞，倒也 想着俚。故歇永贞死仔，虽则末蛮快活，勿知哪哼提醒仔奴格心事，想到仔月山身浪。不过 哪哼会猜着格介？”阿金道：“ 阿曾做歇梦佬？”宝玉道：“今朝天亮快，梦是做歇格。奴梦头里格事体，勿见得会晓得勒海 。” 阿金道：“ 我告诉仔 罢，心里向格事体，是自家梦里说出来格，勿然我既勿是仙人，亦勿是 肚皮里格蛔虫，哪哼能够一猜就着介？” 宝玉道：“ 倒有一样勿好：奴前头已经搭月山割断，故歇再去请俚，只怕俚勿肯来末那处嗄？格落奴勒里难过呀。”阿金道：“勿碍勿碍。我猜上去，俚 一定来格。好得前头搭俚割断格辰光， 送俚二百洋钿，客客气气，并 搭俚面红赤颈。我是原经手，才晓得勒里。故歇仍旧我去请俚，说两句好看闲话，包 一请就来。现在 放勒心浪，想坏仔身体，倒推扳勿起格。” 宝玉道：“格件事体，如果弄得成功，奴终重重谢 末哉。” 阿金道：“ 谢我倒勿要紧，不过月山要 格洋钿， 勿能勿应酬点格 ！” 宝玉道：“ 格是自然，奴譬如拨永贞白诈仔去，还受几化冤枉气来。况且铜钿、银子，奴本来勿算格，随便 哪哼办末是哉。”阿金点头答应。
二人正当说着，见阿珠走进，便不再说此事，并非要瞒过他，为因等事成之后，方与他细细说知，免得早露风声。此时宝玉把心