科学与文明 -05-古籍收藏 - -08-集藏 -06-小说
17-九尾龟-清-张春帆-第344页
格生意只好做一个开销，洛里来实梗几化洋钿？实梗洛二小姐身上背仔三千多块洋钿格债，轧实说起来，俚自家一个铜钿才< 曾勿> 用着，阿要作孽！“金姐说到这样，沉二宝抬起头来对他说道：”耐少说两句哉呀！“一面说着，两只眼睛里头水汪汪的，含着一泡珠泪。
潘侯爷听了沉吟了一会，便又问金姐道：“二宝既然有这许多亏空，为什么瞒着我，不和我说？像这样的事情，也算不得什么大事，又为什么不早些和我商量？
多了我拿不出来，三千、五千的事情，也还算不了什么，为什么有心要不叫我知道呢？“金姐道：”倪一径搭二小姐说，叫俚搭耐潘大人商量，潘大人勿在乎此格，二小姐勿肯呀。“潘侯爷笑道：”这是个什么缘故呢？“说着，便回顾二宝。二宝斜倚在榻床上，把一只纤手托着香腮，低鬟敛袖的，只当不听见的一般。潘侯爷又问一声，二宝只不开口。金便含笑道：”倪搭耐潘大人说仔罢，二小姐是勿肯说格哉。二小姐格心浪，总道仔俚搭耐潘大人轧实是真心要好，勿是啥格假情假义，实格洛俚身浪欠仔债，瞒仔耐勿肯响起。晓得耐听见仔格件事体，定规要拨俚洋钿，教俚去还债格。俚要受仔耐格洋钿呢，好象是搭耐勿是啥真心要好，不过是有心想耐两个铜钱罢哉。要定规勿受呢，咦怕耐潘大人心浪要动气。潘大人耐想俚有仔实梗一个念头来里心浪向，自然勿肯搭耐说哉呀。“
这一席话，说得来圆转非常，有情有理，直把个潘侯爷听得好象醍醐灌顶，醇酒醉心，那心上的快活，一时间都说不出来，只微微含笑，把眼睛去看着沉二宝。
沉二宝也把眼光注在潘侯爷身上，好象有无限的深情流露出来。金姐又接着说道：“故歇上海滩浪格倌人，大家才是只认得铜钿勿认得人，对仔客人洛里有啥真心。
倪二小姐倒轧实勿是格号人嘛。耐潘大人< 曾勿> 来格辰光，二小姐一径搭倪说起，说上海格客人才靠勿住，只有耐潘大人末，气魄咦大，脾气咦好，上海滩浪实头难得碰着格。实梗洛格日子，二小姐肯留耐呀，勿然是洛里有实梗容易？格辰光，李宝珍李家里放仔三千洋钿──“金姐说到这里，沉二宝忽然”霍“的立起身来，红着脸说道：”耐末说说就要瞎三话四，越说越好听哉！豪燥点去罢，勿要勿着勿落格瞎说！“正是：
春满迷香之洞，宋玉魂销；花飞扶荔之宫，襄王梦断。
未知以后如何，且看下回分解。
上一页
上一页
第一百六十八回 假缠绵爱语稳痴人 真懊恼芳心乖宿愿
只说沉二宝推着金姐的背叫他出去，金姐知道这个时候大功已成，便呵呵的笑着走了出去。潘侯爷见他走了，自然要和沉二宝亲热一番，软语温存，柔情婉转，那相爱的情愫自然是十分熨贴，百倍缠绵，也不必去说他的了。
到了明天，潘侯爷拿着一张四千块钱的庄票，要给沉二宝还债，却婉婉的对他说道：“你不肯拿我的钱，自然是和我真心要好。但是这个里头也有一个分别，若是你不欠什么债务，有心敲我的竹杠问我要钱，自然对我不起。如今你委实欠了一身的债，我又不是没有钱的人，我们两个人这样的交情，理应和你代还债项，算不得是敲我的竹杠。况且是我自家愿意给你，又不是你问我索取的，你受了怕什么？”
沉二宝听了，正颜厉色的说道：“潘大人，阿有处请耐照应点倪，勿要实梗。倪欠别人家格铜钿末，等倪自家去想法子。耐要搭倪还债末，慢慢叫末哉，故歇用勿着。”
潘侯爷见他说得这样侃侃凿凿的定不肯受，心上更加欣服，暗想：如今上海堂子里头居然也有这样的人。便也正色问道：“你一定不肯受我的钱，究竟是个什么道理？你倒要讲给我听听！难道你剪我不起，所以不要受我的钱么？”沈二宝把金莲一顿道：“耐格人真正缠煞哉！倪要看耐勿起末，也勿要搳脱仔几几化化客人，独做耐一千仔哉嘛！”潘侯爷道：“既然不是嘛我不起，为什么不肯受我的钱？”
沉二宝呆着个脸不肯说。潘侯爷再三追问，方才叹一口气道：“老实搭耐说仔罢，倪格做耐潘大人，勿是为啥铜钿，也勿是为啥势利。格辰光倪搭耐刚刚碰头，心浪向就有仔耐实梗一个人，一径丢耐勿脱。耐吃仔一台酒，一径勿来，倪心浪末牵记煞，面孔浪末说勿出。倪碰着格客人几几化化，一塌刮仔才勿来浪倪心浪。独独看见仔耐，像煞心浪有一种说勿出格念头，总归耐说一句闲话，跑一步路，你看仔总归呒啥勿对劲。格个里向，连搭仔倪自家也说勿出是啥格讲究。直到仔今年马路浪碰着仔耐，承耐格情看倪得起，搭倪也蛮要好，别人家看仔倪两家头总说呒啥希奇，洛里晓得倪心浪格事体。老实说，耐要倪那哼，只要耐说一声，倪总呒啥勿肯。故歇耐晓得倪欠仔亏空，搭倪还债，拨别人家看起来，好象倪搭耐要好才是假格，为仔自家欠仔别人家格债，呒说法洛，有心骗耐搭倪要好，叫耐搭倪还债。耐想拨俚笃一说，倪阿要难为情。就是耐自家心浪想起来，也要勿相信格呀！总当仔倪搭金姐两家头串通仔调耐格枪花，倪就生仔一百张嘴，也搭耐讲勿明白嘛。实梗洛倪情愿自家