左旋
啥落能格刻毒，拿俚格西洋镜才说穿，要害俚呒不饭吃格 。”阿金道：“我格外公，就拨俚吃杀格呀，我末恨俚。自有格种勿要性命格，相信得像仙人一样，吃坏仔才勿敢怪俚，倒怪自家格病生差格来。我恐怕 大先生亦相信俚，吃俚笃格戳头，格落细细教告诉。”
阿珠插嘴道：“格闲话有点勿对笃，一个孟河郎中，吃杀仔唔笃外公，就算俚呒本事，勿见得个个勿好，一洗帚豁杀仔十八个蟑螂格。我劝讲哉，如果拨俚笃听见仔，要恨坏俚笃格名誉，寻着起来，看哪哼嗄！”阿金道：“着急，有我勒里，况且倪登勒房里说，俚笃生啥顺风耳（读议）朵，勿会听见格，就算我大张晓谕，逢人告诉，再勿然，登仔申报骂俚笃，俚笃格生意终归勿要紧格，到底相信格人多，说起来大官大府，还当俚笃大好老得来，哪哼会呒本事呢？
格落倪说俚几几化化邱话，赛过墙头浪榻石炭，白说脱格，落里能够带坏俚格牌子嗄？”
阿珠道：“我倒要扳驳来，前年仔，我登勒一家人家，有一位小姐犯仔痨病，足有半年外势哉，请过仔几化有名气格本地郎中，吃过仔百十帖药，一点效验才呒不。后来亲眷笃荐一个孟河郎中来，名字末我勿记得，勿知姓马呢姓费，看仔三埭，吃仔十几帖药，就渐渐能格好哉。实梗看起来，本事比间搭格大？倒说俚勿好，批榻得一钱勿值？我着实有点勿服辣笃。不过看俸末忒大，穷人想请得起。就是格浪末，连我也派俚担差，要说俚心狠哉。我格论头，阿公平勒勿公平？
倒说一声看。”阿金道：“格说法，像煞蛮公平，其实内堂中格道理，明白勒海来，我若然再搭辩，只少要争快哉，请免仔点罢。”
阿珠听了，不禁脸上一红，还想要说他几句，却被宝玉阻止道：“唔笃两家头，只管讲勿完格哉，郎中好勿好，关倪啥事？就算论得公平，别人亦勿见得听唔笃格。俗语有一句，说‘麻油拌青菜，各人心爱’。相信末请仔俚；勿相信末拉倒，辩俚作啥，奴亦请啥孟河郎中，有本事也罢，无本事也罢，徒然讲仔半日，害奴心里烦煞快，勿顾奴勒里头疼脑胀，独趁自家高兴，充做假内行（读杭），真真鬼相打难为病人哉！”阿金、阿珠听得宝玉埋怨，彼此瞅了几眼，阿珠趁此取了茶壶，下楼泡茶去了。
其时众人都知宝玉身子不好，秀林先进房问候，无非几句老套话儿，又问郎中请那一个，宝玉道：“郎中末 去请，害里笃格嘴倒拌干格哉。”秀林不明白这句话是说那个的，阿金答道：“是倪勿好，响哉。请问大先生，到底阿是请陈笃卿佬？”宝玉点点头，阿金即忙取了号金，去请笃卿，不表。
少时阿金回来，禀覆宝玉道：“号金末五十六，看俸轿金末，一共两洋八百。因为生意好，出诊多，格落要四五记钟勒来。还算路近落。”宝玉怕烦不答。阿金又道：“大先生，阿要先吃点辟瘟丹？作兴是吞痧也未可知格。”秀林亦说试试，好得辟瘟丹这样药，是有益无损的。宝玉道：“倪故歇阿有勒里？阿曾用完格来？皆为格样药，别人家格勿灵，板要胡庆余堂，从杭州寄下来格。如果呒不末，唔笃到雷允上去买一瓶行军散末哉。”阿金道：“有勒里，有勒里。
不过隔仔一年，吃仔阿有用格来？”宝玉道：“倪放得好，勿出气、勿潮、勿霉，就隔两年也呒啥要紧。去拿出来看。”
秀林插嘴道：“格格辟瘟丹，阿就是旧年夏里向，胡大少送拨倪格佬。”阿金抢着答道：“蛮对蛮对。庆余堂是胡雪岩开格，合格药格外道地。据说辟瘟丹当中，要用一条四足蛇格，格格蛇极少，而且板要出勒上天竺山浪，格末好入药格，外加拜三日大悲忏，格落吞痧吃仔，灵得呒淘成笃。旧年夏里，送脱仔几万块，真真大好事。胡士诚是俚格阿侄，代理分送别人，所以拨间搭勿少，我当宝贝实梗藏起来格呀，哪哼会出气着潮嗄！”宝玉道：“亦要长舌头哉，秀林问仔一声，惹仔一坑，讲煞讲勿完格哉，搭奴毫燥点拿出来罢，阿晓得奴故歇肚里难过煞勒里呀！
”阿金方才答应取出，叫阿珠磨了一块，倒了一杯温水，伏侍宝玉吃下。
停了一回，宝玉觉得腹中略为舒服，不甚难过了，惟寒热不减分毫，食物仍难下咽。到了午后，更觉昏昏沉沉，别人与他讲话，也不理会，好似睡熟一般。候至四下多钟，请的郎中陈笃卿来了，阿金陪他说了病源，请笃卿进房诊过了脉，问他病势如何？笃卿道：“此症确是受寒而起，虽无大碍，来势却甚利害，
科学与文明 -05-古籍收藏 - -08-集藏 -06-小说
16-九尾狐-清-梦花馆主*导航地图-第116页|进入论坛留言
正在加载语音引擎...